تنفيذ جناح معرض مش مجرد "تصميم وطباعة" — دي عملية بتمر بـ 7 مراحل متتالية، كل واحدة فيها ليها وقتها ومتطلباتها. فهم الترتيب ده بيساعدك تخطط وقتك صح وتتجنب الضغط في اللحظة الأخيرة.
1. البريف والاجتماع الأول
كل مشروع بيبدأ باجتماع نفهم فيه هوية علامتك التجارية، أهدافك من المشاركة، الميزانية المتاحة، ومساحة الجناح المخصصة لك من المنظم. الخطوة دي بتحدد اتجاه التصميم بالكامل، فكل ما المعلومات كانت واضحة من الأول كل ما وفرنا وقت وتعديلات لاحقًا.
2. التصميم المفاهيمي (Concept Design)
بناءً على البريف، بنجهز أفكار أولية (Mood boards واسكتشات) توضح الاتجاه العام للتصميم — الألوان، المواد، وتوزيع المساحة. الهدف من المرحلة دي إنك توافق على الاتجاه العام قبل ما ندخل في تفاصيل دقيقة.
3. التصميم ثلاثي الأبعاد (3D Design)
بعد الموافقة على الكونسبت، بنجهز رندر 3D كامل للجناح من كل الزوايا، يوضح كل تفصيلة — الإضاءة، الأثاث، المواد، والجرافيك. دي فرصتك الأخيرة تطلب أي تعديل قبل ما يبدأ التصنيع الفعلي.
4. التصنيع
بعد اعتماد التصميم النهائي، بيبدأ التصنيع في الورشة — الهيكل الإنشائي، الطباعة، الإضاءة، والأثاث، كل ده بالتوازي تحت رقابة جودة صارمة، وده بياخد الجزء الأكبر من الوقت الكلي للمشروع.
5. التركيب في موقع المعرض
فريق نيو سول بينتقل لموقع المعرض في فترة "البناء" (Build-up) المحددة من المنظم، وبيركب الجناح بالكامل — من الهيكل للتفاصيل النهائية — بجدول زمني محسوب يخلي الجناح جاهز قبل الافتتاح بوقت كافي.
6. يوم الافتتاح
في يوم الافتتاح، فريقنا بيفضل متواح في المعرض لفترة، عشان نتأكد إن كل حاجة شغالة صح ونحل أي مشكلة بسيطة فورًا — إضاءة، شاشات، أو أي تفصيلة محتاجة ضبط أخير.
7. الفك بعد المعرض
بعد انتهاء المعرض، فريقنا بيتولى فك الجناح بالكامل ونقل المكونات، سواء للتخزين لو الجناح قابل لإعادة الاستخدام، أو التخلص من المواد بطريقة منظمة.
